Hawak-hawak ng kanyang kulubot na kamay ang maliit na bote na kung saan may laman itong pulang likido. Marahang pinagmasdan itong mabuti at inaamoy-amoy upang masagot ang mga katanungan ng kanyang panginoon na si Claudius. Humarap siya sa pinuno ng mga anak ng buwan at nakangiti itong tumango-tango sa kanya.
"Ang pulang likidong ito ay nagmula sa mala-alamat na halamang Myrho panginoong Claudius. Nakapagtataka dahil walang sino man ang nakakaalam na totoong mayroong halamang Myrho. Naikukwento lamang ito ng mga nakatatanda bilang bahagi lamang ng isang alamat tungkol kay Banaual ang huling anak ni Bathala sa mga mortal." Ang sabi ni Impong Sendang sa panginoon.
"Batid ko ang kuwento tungkol kay Banaual. Ibig sabihin ba nito na totoong may bahid ng dugo ang anak ni Bathala sa
