Magtatakipsilim na nang makarating sina Alex sa Barangay Manibaug na kung saan naroroon ang tinutukoy na Santuaryo ni Kapitab Ben. Bumaba sina Alex at mga bata sa tricycle na minamaneho ng kapitan ng barangay at pinagmasdan ang buong paligid.
"Saan po yung sinasabi ninyong Santuaryo?" ang nagtatakang tanong ni Adrian nang makitang puro buhangin at talahiban ang naroroon at walang nakatayong gusali.
Napangiti si kapitan Ben sa tanong ng binatilyo. Nakita niya ring iginagala ni Alex ang kanyang paningin at minamasdan ang paligid kung nasaan nga ba ang tinutukoy na lugar.
"Ang lahat ng nakikita ninyo rito ay ang Santuaryong tinutukoy ko sa inyo." wika ni kapitan Ben na nakangiti sa mga kasama. "Tara, sumunod kayo sa akin."
Pinangunahan ng kapitan ng nasabing barangay
