THERESE'S POV
MULI NA NAMANG lumipas ang mga araw na nakakulong ako sa kubong ito. Hindi naman sa ayaw kong lumabas. Hindi na ito tulad ng dati na ayaw kong makipag-usap sa mga tao. Hindi ako lumalabas ngayon dahil hanggang ngayon, may sakit pa rin ako.
Baka makahawa pa ako.
Tatlong araw na akong inaapoy ng lagnat at pabalik-balik iyon. Gagaling ako ng ilang oras ngunit babalik din kapag lumamig ang panahon. Hindi na nga halos binubuksan ang bintana para hindi na pumasok ang lamig dulot ng hangin pero nilalamig pa rin ako. Hindi na rin ako gumagamit ng electric fan. Halos hindi na nga ako makahinga dahil sa pinagpatong-patong na makakapal na kumot sa akin.
Naiibsan naman ang sakit ng katawan ko, ng ulo ko at ng sama ng pakiramdam ko. Pero kapag nilamig ako, kasunod na niyon ang pagbal
