Naglalakad si Ayen patungong sakayan ng bus, nang may mamataan siyang pasalubong sa kaniya. Kagagaling lang niya sa Coffee Shop at ngayon ay pauwi na sana siya sa kanila. May isang lingo na rin ang nakararaan simula nang magkasakit siya. Ganoon na rin katagal na hindi niya nakikita si Bernie, at hindi nakaririnig ng kahit na ano mula rito.
‘Ano na naman kayang ginagawa ng babaeng ito rito?’ tanong niya sa kaniyang sarili nang makilala ang masasalubong niyang babae.
Dumire-deretso siya nang lakad hanggang sa sakayan ng bus, at hindi niya pinansin ang babae. Pagod siya at wala siya sa mood para makipagsagutan ngayon.
Nasa waiting shed na siya nang maramdaman niyang may humawak sa kaniyang braso. Agad siyang pumiksi at hinarap kung sinoman ang humawak na iyon sa kaniyang braso. Salubong a
