Dahil sa hindi naging maganda ang kinalabasan ng pagpunta ni Bernie sa bahay nila Ayen, muli siyang nagbalik sa bahay ng ex-wife niya. Well, technically bahay nila, but since ipinaubaya na niya iyon kay Sophie, bahay na lang nito iyon ngayon. Kokomprontahin niya ang babae dahil sa ginawa nitong kalokohan. Dahil doon, nagkasakit pa tuloy si Ayen.
Mabilis siyang nakarating sa bahay nito kaya agad siyang nagtanggal ng kaniyang helmet at dire-diretso siyang pumasok sa loob ng bahay. Hinanap ng kaniyang mga mata si Sophie at nakita naman niya itong nasa kusina at naghahanda ng agahan. Nakasuot pa ito ng apron kaya alam niyang katatapos lang nitong magluto.
“Oh, ang bilis mo namang bumalik, nagbago na ba ang isip mo?” nakangisi pa nitong saad sa kaniya habang papalapit siya rito. “Tamang-tama
