Nagising si Ayen na medyo magaan na ang pakiramdam. Bumangon siya at lumabas ng kaniyang silid upang magbanyo. Nasa loob na siya ng banyo nang maulinigan niyang tila may kausap ang ate niya sa labas ng kanilang bahay. Nang matapos ay agad niyang isinuot ang kaniyang shorts at tahimik na nakikinig sa usapan ng mga ito. Hindi muna siya lumabas dahil narinig niyang binanggit ng ate niya ang pangalan ng kaniyang kasintahan.
Bernie and Ate Donna’s conversation:
“Bernie, mabuti pang bumalik ka na lang sa ibang araw. Nagpapahinga si Ayen ngayon. Nagkasakit siya ng dahil sa pagkakabasa sa ulan kagabi. Hindi ko alam kung anong nangyari sa iyo, pero hinintay ka niya kagabi. Sinubukan ka niyang tawagan ngunit iba ang sumagot sa telepono mo. Kaya hayun umuwi siyang mag-isa, at basang-basa sa ulan k
