Matapos masaksihan ni Ayen ang nangyari kanina, nagdesisyon na lang siyang pumasok sa BSC, kahit sobrang aga pa niya para sa kaniyang duty. Ayaw niyang bumalik sa kanilang bahay dahil tiyak na magtataka ang kaniyang ate at uusisain lang siya nito. Pagdating niya sa BSC, nadatnan niya si Angie na nasa locker at nag-aayos ng sarili.
“Playmate, ang aga mo naman!” gulat na wika nito nang makita siya nito sa pintuan ng kanilang locker.
Niyakap niya ang kaibigan at naiyak na lang dito, hindi rin niya alam pero bigla niyang naramdaman na gusto niyang ilabas ang lungkot na kaniyang nadarama ng mga sandaling iyon.
“Uyyy, problem? Anong nangyari?” magkasunod na tanong ni Angie habang hinahagod ang kaniyang likod.
“Ang sakit playmate, nakita ko silang magkasama kanina sa Trinoma. Alam mo iyon?
