Nais sanang sunduin ni Bernie si Ayen, pero nagbago ang isip niya, sa halip ay inabangan na lang niya ito ngayon sa sakayan ng bus. Alam niyang masu-sorpresa niya ang kasitahan sa kaniyang gagawing iyon at hindi nga siya nagkamali. Nanlalaki ang mga mata nito habang nakatitig ito sa kaniya, nang bigla niya itong hapitin at siilin ng halik sa mga labi nito, no’ng makaupo na siya sa tabi nito sa loob ng bus. Kung hindi lang dahil sa pang-iistorbo ni manong kundoktor, talagang papapakin na niya si Ayen sa bus.
Pero hindi nga iyon nangyari dahil sa istorbong si kuyang kundoktor. At siyempre, inirerespeto naman niya si Ayen, kaya hinding-hindi niya gagawin ang bagay na alam niyang ikagagalit nito. Isa pa, hindi sa lugar na iyon nababagay gawin ang bagay na iyon. Ano iyon? Alam niyo na iyon, e
