Nakatulala lamang si Laureta sa harap ng salamin, kagat-kagat niya ang kuko na halos maubos na. Ayos, hindi na niya kakailanganin pa ng nail cutter dahil mukhang sapat na ang matulis niyang ngipin.
Pinanood niya ang sarili na gawin ang inhale-exhale exercise, ang teknik na itinuro sa kaniya ng sariling ina. Ina na hanggang ngayon ay pinaghahanap pa rin ng mga alagad ng batas. Kung saan ito napadpad at kung ano ang nag-udyok sa kaniya para gawin ito ay hindi niya alam. Paano pa lalaban si Laureta kung ang ina ay tumakas na? Sa ginawa niyang iyon ay parang pinatunayan niya na rin sa buong bansa na may kasalanan nga siya, na guilty siya. Ma, hindi mo dapat ginawa ‘yon! Kinagat niya ang pang-ibabang labi. Hindi na nito kailangang pigilin pa ang luha dahil kahit nais niyang umiyak ay wala
