Chapter 96
Aliyah Veda Gonzales
BUMABA si David ng sasakyan nang hindi nagsasalita. Kita ko kung paano niya binuksan ang hood, mabilis pero may diin, parang may kinikimkim na inis.
Nanatili ako sa loob. Hindi ko pwedeng iwan si Jaxx. Mahimbing pa rin ang tulog niya sa kandungan ko, bahagyang nakabuka ang labi, walang kaalam-alam sa kung anong kaguluhan ang nasa paligid namin. Pinagmasdan ko lang si David habang gumagalaw siya sa harap ng sasakyan.
Lumipas ang ilang minuto. Isinara niya ang hood nang may kalakasang tunog. Kita ko kung paano niya sinapo ang noo niya, nakayuko sandali, bago tumingala. Galit. Hindi iyong simpleng inis, yung klase ng galit na may halong gulat.
Doon na ako kinabahan.
Maingat kong inayos ang upo ko. Dahan-dahan kong ibinaba si Jaxx sa upuan, sinigurong maay
