"Dylenea, sa tingin mo anong magiging reaksyon ni Lorde Irman kapag nalaman na niya ang tungkol sa akin?" tanong ni Asyanna habang naglalakad.
Tinatahak nila ang daan pabalik ng Mysta. Kahit mapanganib doon ay mas pinili nilang doon dumaan. Dahil tiyak nilang mas magiging ligtas sila roon kaysa sa ibang daan. Balak nilang bumalik ng Karr para ipaalam kay Irman ang tungkol kay Asyanna.
"Ama, Asyanna," pagtatama ni Dylenea kaya pilit na ngumiti ang Magium-Azthic young Ladynne.
Hindi kasi siya sanay na tawaging ama si Irman. Si Ornelius nga na simula pagkabata ay minsan niya lang tinatawag na ama. Si Irman pa kaya na siyang tunay niyang ama.
"Naiilang ako na tawagin siyang ama, Dylenea,"
"Masasanay ka rin," ngiting sabi ng Azthic Warrior Ladynne.
"Sandali," ani Sheena at pinakiramdaman
