"Ang aga mo yatang nagising ngayon, Ma?" tanong ko sa ina nang datnan ko siya sa may kusina.
Lumapit ako kay Mama para humalik sa kaniyang pisngi.
"Ikaw kamo ang maagang nagising," natatawang tugon niya sa akin.
"May klase po ako," ani ko sa ina.
Mahinang tinampal ako ni Mama sa noo. "Iba talaga ang nagagawa ng inlove."
"Ano pong ibig mong sabihin, Ma?" kunot-noong tanong ko sa ina.
"Anak, araw ng Sabado ngayon. Wala namang klase kahit saang elementary school," natatawang turan sa akin ni Mama.
Nanlaki ang mga mata ko sa narinig na sinabi ni Mama. Mabilis akong lumapit sa may tabi ng refrigerator upang tingnan ang araw sa maliit na kalendaryong nakadikit doon.
"Sh*t!" mahinang bulalas ko sa sarili.
"Hoy, narinig ko iyon!" pagalit na sabi ni Mama.
Nawala talaga sa isipan ko na
