Ang tagal ng takbo ng oras sa bawat pagtingin ko sa kamay ng orasan. Dati rati ay hindi naman nakakainip para sa akin ang araw na walang pasok.
Pero ngayon parang gusto ko nang hatakin ang kamay ng orasan upang mapabilis ang pagtakbo niyon.
Paulit-ulit akong bumuga ng buntonghininga at saka nangalumbaba sa ibabaw ng lamesa.
"May problema ka ba, Kuya?" tanong sa akin ni Stephen.
Ibinaling ko ang tingin sa kapatid at saka iniling-iling ang aking ulo bilang tugon sa kaniyang katanungan.
"Love problem!" Matalim na sulyap ang iginawad ko kay JC nang umupo siya sa aking harapan.
"Hindi naman siguro si Ate Stella iyan?" paniniyak pang tanong ni Stephen.
"Hey! Don't mention the name of that witch," pasupladong turan ni JC.
"Hay naku! Witch daw pero patay na patay siya!" pinaikot pa ni Ste
