Dahil ang grupo nga ni CJ ang nanalo, inilibre niya lahat ng mga nag-cheer sa kaniya. Siyempre kasama na roon ang numero uno niyang fan na si Jordan.
Ang sarap ng kwentuhan ng mga bakla habang sarap na sarap din sila sa pagkain.
"Girl, ba't para ka namang namatayan? Masama ba loob mo sa panlilibre sa amin ng fafable mo?" agaw pansin sa akin ng isang bakla.
"Ha? Naku hindi! Mali ka ng akala!" nakangiwing turan ko dahil halos lahat sila ay sa akin na nakatingin.
"Mula pa kasi kanina sa court, nakabusangot ka na. Galit ka ba sa amin?" nakalabing tanong pa sa akin ng isang bakla.
"Ay, hindi! Nagkakamali lang kayo ng akala," pabulalas kong sagot.
"Masama kasi pakiramdam niya mula pa kanina sa bahay. Hindi niya lang matanggihan ang kagustuhan ng anak niya kaya napilitan siyang sumama sa am
