"Sandali lang, Jona!" Maagap akong humarang sa daraanan nilang dalawa ni Jordan.
"Paraanin mo kami Teacher at uuwi na kami ni Jordan. Umuwi ka na rin!" pagtataboy pa sa akin nito.
"Ba't ka ba nagagalit? Nagbibiro lang naman ang mga batang iyon," malumanay kong tanong sa kaniya.
Tinakpan muna ni Jona ng dalawang palad niya ang magkabilaang tainga ni Jordan.
"Para sa kaalaman mo Teacher hindi ako nagpapaligaw dahil iisa lang ang lalaking itinitibok ng puso ko at iyon ay ang ama ni Jordan."
Para akong binuhusan ng malamig na tubig nang marinig ang kaniyang sinabi.
Sunod-sunod na buntonghininga ang pinakawalan ko upang itago ang sakit na naramdaman ko.
"Huwag mo kasing seryosohin masyado ang mga sinasabi sa iyo," pilit ang ngiting sambit ko.
"Mabuti na iyong malinaw sa lahat!" paism
