"Honey, why are you here?" tila natatarantang tanong ni CJ sa babaeng tinawag niyang Honey.
Pasimpleng tiningnan ko ang babae mula sa kaniyang ulo pababa sa maganda nitong kuko sa paa.
Nasilayan ko ang kinis at puti ng mga hita nito na inilalantad ng suot niyang maiksing bestida nang dumako ang paningin ko roon.
"Ang ganda niya! At talaga nga namang walang itulak kabigin ang taglay kong kagandahan sa kaniya," piping lait ko sa sarili sa aking isipan matapos ilipat ang paningin sa sariling katawan.
"I ask you first, why are you here?" may pagkamaarteng tanong ng babae kay CJ.
"And who are they?" dagdag pang sabi nito.
Nakita ko ang paglunok ng laway ni CJ kasabay nang pamumuo ng pawis sa kaniyang noo.
"Girlfriend niya siguro ang babaeng 'to." Tila may kung anong matulis na bagay ang
