Tahimik kaming pareho ni Damian habang nasa byahe pabalik sa mansion. Mabigat pa rin ang loob ko at hindi ko alam kung paano magpapatuloy sa buhay, lalo na sa kasunduan namin. Ang daming nagbago sa pagkawala ng anak ko. Siya ang dahilan kung bakit pumayag ako sa alok ni Damian na kasal. Ngayon, hindi ko alam kung paano magpapatuloy oras na maghiwalay na kami. Nakamasid lang din si Damian sa labas buong byahe at tila may malalim na iniisip.
Pagdating sa mansion ay agad kaming sinalubong nila aling Neng. Halata ang pag-aalala nila ni Jessica habang nakamasid sa amin, lalo na sa akin. Agad akong nagtungo sa kwarto at matapos magbihis ay nahiga padapa sa kama. Muli, malayang umagos ang mga luha ko. Parang naging napakatahimik ng kwarto namin. Ito ang nais ko; ang katahimikan. Ngunit kasabay n
