“Ready?” tanong sa akin ni Damian.
Humugot muna ako ng malalim na hininga bago tumango. Nandito na kami sa tapat ng bahay namin sa probinsya. Ramdam ko ang mga nagtatakang tinginan ng mga tao sa tatlong sasakyan na pumarada sa tapat ng bahay namin. Sa isa pang sasakyan nakasakay si Don Milo at magulang ni Damian, samantalang sa isa pa ay ang mga assistant at security nila. Hindi maiwasan na makaagaw iyon ng atensyon sa mga kapitbahay namin. Nag-umpokan sila at curious na sinisilip kung sino ang lulan ng sasakyan. Namataan ko pa si Tiya Gina na nasa bakuran nila at nagwawalis. Magkalapit lang ang bahay namin kaya napakunot din ang noo niya pagkakita sa mga sasakyan. Nang bumaba ako at si Damian sa sasakyan ay nabitawan niya ang walis na hawak sa pagkagulat.
“El
