Sa huli ay naging maayos ang pag-uusap ng pamilya namin para sa gaganaping kasal namin ni Damian. Bago pa kami makaalis sa amin ay alam na yata ng halos lahat ng kapit-bahay namin ang tungkol sa nalalapit kong kasal. Sino nga ba naman ang mag-aakala na ang pinag-usapan ng karamihan na kabit ay biglang magpapakasal ngayon sa binata at mayamang tulad ni Damian?
“Sige po Nay, Tay, aalis na po kami,” paalam ko sa mga magulang ko.
“Mag-iingat ka palagi anak. Lalo na at buntis ka pala. Mag-ingat ka sa pagbyahe mo sa trabaho,” paalala naman ni Tatay.
“Opo Tay. Salamat po.”
“Aalis na kami. Mga isang araw ay kayo naman ang bumisita sa amin para mas matagal ang ating kwentuhan,” masayang paalam ni Don Milo.
“Hayaan nyo po at mga minsan ay bibisita kami,” sagot ni Nanay.
“Aalis na po kami. Sala
