CHAPTER 34
"Astig ka na ha! Kinakalaban mo na ba ako?" nanatiling nakatitig siya sa akin.
Hindi ako nagpakita ng takot.
"Hindi ka na nga takot ah! Pasalamat ka ayaw ko nang pumatol pa ng kagaya mo lang. Pero kung ipagpapatuloy mo ang panliligaw mo kay Saira, hindi ako manghihinayang ng panahong patulan ka."
"Wala akong planong itigil iyon, Phillip. Kahit anong gawin mo sa akin." matatag kong tinuran.
"Talaga?" biglang nagrehistro ang galit sa kaniyang mukha. "E, kung ito ang ipapatikim ko sa'yo!" itinaas niya ang nakakuyom niyang kamao.
Ngunit walang suntok ang tumama sa aking mukha.
"Sinasaktan mo ba ang bata ko ha, Zaragoza!" boses iyon ng fourth year na barkada ko. Kasamahan ko siya sa Tennis. Si Kuya Jello. Malaki ang katawan nito. Kinatatakutan. Siga. Maraming istudiyante ang t
