Kinabukasan ay nanatili lamang kami sa loob ng bahay nila Manong Borne. Pamilyar na rin kami sa bahay nila dahil sa house tour ni Pearl kagabi. May dalawang bakanteng kuwarto sa itaas ng bahay habang nasa baba naman ang sala, kusina, banyo, at dalawang kuwarto katabi ng shop. Sa first floor natutulog sila Parr kaya naman sa ‘min ang buong second floor. Nakasanayan na raw kasi nilang matulog kasama ang kanilang Lolo kaya hindi nila maiwan-iwan.
I mean si Parr lang pala ang tumatabi sa Lolo niya. Si Pearl kasi ay may sariling kuwarto kaya sa kanya naki-share si Faith. Kami naman nina Arima at Grae ang nag-occupy sa isang kuwarto sa second floor habang katapat naman namin ang silid nina Marida at Larah.
Pagkatapos ng pag-uusap namin kahapon ay wala namang unusual na nangyari, maliban sa pin
