“TALAGA? Kung gano’n, mula pagkabata ay hindi pa nakapagpa-picture si Rainan na kasama ang mga magulang n’yo?” tanong ni Izaria.
Papalabas na sila sa Stern Mall. Nasa parking area na sila habang patuloy na pinag-uusapan ang tungkol sa litrato na ibinigay ni Jean sa kan’ya.
“Oo, kaya pinakamahalaga ‘yan sa kan’ya. Ayaw niyang mawala ‘yan sa kan’ya dahil nawala na ang original painting niyan sa canvas. I want to save that for him baka maging dahilan para magkasundo kami,” kumislap ang mga matang hayag ni Jean.
Nakita naman niya sa mukha ni Jean ang sinseridad kaya pinagbigyan niya ito. Ilang minuto pa ay nagpaalam na sila sa isa’t isa dahil may lakad pa raw ito. Naisipan naman niya na bumalik muna sa loob ng mall para mag-grocery sa supermarket sa loob niyon.
Abala siya sa pag-uusisa sa
