NAPANATAG na ang loob ni Izaria nang malaman ang sinabi ng doktor na hindi kailangan pang dalhin sa ospital si Rainan. Bumalik naman kasi sa normal ang mga vital signs nito pagkalipas ng isang oras at bumaba na rin ang lagnat.
“Maraming salamat po, doc!” sabi niya sa doktor na nagliligpit ng mga gamit nito.
“No problem. Kapag may kakaiba kayong mapansin sa kaniya na hindi maganda, tawagan n’yo lang ako anytime. Kapag tumaas uli ang lagnat niya, painumin n’yo ng paracetamol. Sa ngayon, normal na ang oxygen level sa niya,” bilin ng doktor.
“Opo, doc. Pasensiya na po talaga sa abala.”
“Hayaan n’yo na lang muna siyang makapagpahinga. Kapag magising man, okay lang na kumain siya para hindi siya malipasan ng gutom,” bilin pa ng doktor.
Pangiting tumangu-tango siya. Hindi nagtagal ay namaala
