NAABUTAN ni Izaria si Virna na naghihintay sa kaniya sa sala. Napansin niya ang pagod na itsura ng kaibigan.
“Kumusta, besh? Napagod ka ba? Nagkaproblema ba sa kompanya mo?” mga tanong na ibinungad niya sa kaibigan. Naupo siya sa tabi nito.
“A little bit tired, besh. Marami kasi ang orders ng furnitures kaya tinapos ko muna lahat bago umuwi. Actually, halos magkasunod lang tayo na dumating.”
“Oh sorry ha, hindi na ako nakapahanda ng hapunan natin. Ginabi rin kasi ako sa mansiyon.” Napatingin si Virna sa nalulungkot na mukha niya.
“Ano ka ba besh, okay lang. Nakapag-dinner na ako bago umuwi. Ikaw ba, kumain ka na?” tanong nito.
Tumango siya. “Niyaya ako ni Jean na mag-dinner sa mansiyon.”
“So, tuloy na talaga ang birthday celebration ni Rainan bukas?”
“Oo naman. Kailangan kasama ka n
