Maagang umalis sina Bal sa mansyon. Siya na ang nagmamaneho ng sasakyan nang hindi ginagamit ang kapangyarihan. Nasa likuran sina Hellion at Laura na hindi nagpapansinan. Magkakatabi naman sina Sabel, Amara at Ramiel sa gitnang bahagi ng sasakyan.
"Kuya, buti marunong ka nang magmaneho?" tanong ni Antonio.
"Madali lang pala ito. Mas di hamak na mahirap pang makasalamuha ang ama ko kaysa mag-aral mag-drive." Ipinihit ni Bal ang manibela paliko sa kanto.
"Gusto ko ring matutong mag-drive, Kuya," pakiusap ni Antonio habang nakamasid sa ginagawa nito sa kambyo at manibela. Nakaupo siya sa passenger seat kaya kita niya ang ginagawang pagmamaneho ni Bal.
"Tuturuan kita pagbalik natin."
Napasuntok sa hangin si Antonio sa katuwaan. "Ayos!"
"Ayos na ba ang pakiramdam mo?" tanong ni Sabel. "M
