"Sana ay matyempuhan natin si Ate," saad ni Sabel.
"Paano?" tanong ni Antonio. Naupo ito sa mahabang sofa. Napahinga nang malalim dahil sa hapo.
"Kami muna ni Hellion. Kaya naming mag-ikot nang walang makakatunog na tauhan ni Ama," tugon ni Bal.
"Sasama ako sa pag-iikot," suhestyon ni Laura. "Ako ang nagpahatid ng kasunduan ng sumpa niya sa ngalan ni Sonneillon. Mas mapapadali ang paghahanap ninyo kung kasama ako."
"Sige. Simulan natin mamayang gabi." Nagtungo na si Bal sa hagdan para umakyat. "Magkakasama ang tatlong babae sa isang silid. Si Ramiel at si Antonio sa isa, Kami ni Hellion sa isa pa. Hayaan na nating bakante ang isang silid."
Sumunod na rin sa pag-akyat ang lahat. Kailangan nilang mag-ayos at magpahinga para sa susunod na mangyayari.
Sumapit ang gabi, oras na ng pag-ii
