Lumayo sila sa mga tao para makapag-usap nang maayos. Nakahanap sila ng magandang puwesto na tago sa mga tao pero tanaw pa rin nila ang paligid ng theme park.
"Mainam ang naganap ngayon. Mukhang mas magiging maayos at madali ang mga plano natin sa susunod na taon." Naupo si Bal sa bakanteng upuan. Tumabi sa kanya si Sabel, may isa ng metro ang distansya.
"Naisip ko rin agad kanina, Kuya. Kung magkakaroon tayo ng ugnayan sa ampunan para sa regular na simpleng donasyon, walang maghihinala na naroon si Angeli. Mababantayan natin siya sa kahit anong oras nating naisin. Naisip ko rin na posible bang magbigay tayo ng donasyon sa ibang ampunan para mailigaw ang mga naghahanap sa pamangkin ko?"
"Gagawin natin iyan, Sabel. Para kung sakaling manmanan tayo ng mga nagnanais patayin si Angeli, o ga
