Nakarating sila sa Bahay Ampunan ng mga Anghel. Bukas ang tarangkahan nito kaya ipinasok na ni Keith ang kotse sa looban ng ampunan. Naroon sina Sister Ana at Mother Superior sa hardin. Kasalukuyan silang nagdidilig ng halaman nang mapansin ang sasakyan nilang papasok ng ampunan.
Inihinto ni Keith ang sasakyan malapit sa direksyon nina Sister Ana. Isa-isa na silang bumaba ng sasakyan.
"Maiwan na lang ho ako rito sa sasakyan para malinisan, Sir," paalam ni Keith kay Bal.
"Sige, salamat sa tulong mo ngayon." Tumalikod na si Bal saka humakbang patungo kina Mother Superior.
"Ipagpaumanhin ninyo, Mother Superior," bungad ni Bal. "Nakalimutan kong magpakilala sa inyo kanina. Ako ho si Bal Montreal, at ito naman ang kapatid ng aking asawa, si Sabel Magno. Siya ang aking kapatid na si Amara a
