MARCUS AURELIUS
“So, hindi pa rin talaga sumusuko si Yura sa paghahabol kay Justin?” usisa ni Yke. Umiinom kami dito sa unit niya dahil naipanalo namin ang game. Umiling ako.
“Mukhang walang balak tumigil,” sagot ko at saka naiiling na uminom ng alak. Kanina ay parang nagdududa pa siya sa akin na magsusumbong ako sa mga kuya niya tungkol sa ginawa niya noong nakaraang buwan. Kulang na lang ay sabihin ko na alam na alam ng mga kuya niya ang mga ginagawa niya kaya hindi siya dapat na mainis sa akin.
Parang gusto pa akong sisihin dahil hindi siya makahanap ng tyempo na makasama at makita si Boss Justin. Oo nga at guilty ako doon pero nakakaselos pala kapag harap-harapan niyang pinaparamdam sa akin na gustong-gusto niya si Boss Justin.
Sunod-sunod tuloy ang pag-inom ko at hindi ko na nakon
