Palingon-lingon ako kay Mark habang nasa byahe kami para ihatid si Lander sa bahay niya. Ang problema ay hindi ko naman alam kung saan siya nakatira kaya balak ko na dalhin na muna siya sa unit ko at doon patulugin. Pero dahil sumama si Mark sa paghatid sa kanya ay hindi ko tuloy alam kung itutuloy ko pa ang balak ko!
Well, pwede ko rin namang ituloy ang plano kong pagpapatulog kay Lander sa unit ko ‘di ba? Wala naman siyang pakialam dahil wala namang kami!
Tumikhim ako at umayos ng upo habang nag-co-concentrate sa pagmamaneho. Seryoso lang si Mark na nakatingin sa labas ng bintana at hindi ko alam kung ano ang laman ng isip niya ngayon.
Hindi ko rin maiwasan na pagmasdan ang kabuuan niya. Dati naman na malakas ang dating niya pero mas lumakas pa ang karisma niya ngayon dahil ibang iba
