"AMARAH."
Mas lalong kumabog ang dibdib ni Amarah ng tuluyang huminto si Daxton sa harap niya. At hanggang ngayon ay napansin pa din niya na titig na titig ito sa kanya.
"B-bakit?" tanong naman niya, lihim nga din niyang pinagalitan ang sarili dahil sa pagkautal ng boses.
Pilit nga din niyang kinakalma ang puso ng sandaling iyon.
"Kanina pa kita hinahanap," sagot nito sa kanya sa seryosong boses.
Bubuka sana ang bibig niya para sana tanungin si Daxton kung bakit siya nito hinahanap ng mapatigil siya ng unahan siya ni Ate Denisse. "Niyaya ko kasi ang asawa mo na maglalakad-lakad dito sa dalampasigan," sagot nito kay Daxton. "At bumili na din kami ng mga pasalubong para hindi na kami bumili mamaya."
Sa halip nga na sulyapan ni Daxton ang ate nito ay nanatili ang titig nito sa kany
