PAGKATAPOS nilang mag-meryenda ay muli silang tinawag ni Moises para magpatuloy sa pagpa-practice. At bago siya umalis sa tabi ni Daxton ay binalingan niya ito.
"Hindi ka pa uuwi?" tanong niya dito sa mahinang boses.
Sumulyap naman ito sa kanya. "Wala na akong ibang pupuntahan. Might as well watch your practice and wait for you," sagot naman nito sa kanya. "Para sabay na tayong umuwi."
"Mauna ka na lang kaya? Baka ma-boring ka dito," wika niya. Gusto niyang umalis na si Daxton dahil ayaw niyang manuod ito sa practice nila, ayaw niyang ipahiya ang sarili dito kapag hindi niya magawa ng maayos ang pagrampa niya.
Ayaw mong ipahiya ang sarili o ayaw mo lang na magkaroon ng pagkakataon si Naia na malapitan si Daxton? wika naman ng bahagi ng isipan niya.
Ipinilig na lang naman ni Amarah
