"GOOD morning po, Tita Dana."
Narinig ni Amarah na wika ng isang malambing na boses ng isang babae kay Mommy Dana. Bigla nga ding tumahimik ang paligid, para ngang may anghel na dumaan sa kanila. At mula sa gilid ng kanyang mga mata ay napansin niya na napatingin sa dereksiyon nila sina Ate Danielle at Ate Denisse. Wala naman siyang mabasang emosyon sa mukha ng mga lalaki ng sandaling iyon.
Sa pagkakataong iyon ay inalis ni Amarah ang tingin kay Daxton. Nag-angat siya ng tingin at nakita niya ang isang magandang babae, nakangiti ito habang nakatingin ito kay Mommy Dana.
Hindi naman maiwasan ni Amarah ang mapatitig sa babae. Alam niyang maganda ito sa nakikita niya sa internet pero hindi niya alam na mas maganda pala ang babae sa personal.
Ang ganda din ng height nito, lalo na ang k
