YOHAN’s POV
Unti-unti itong lumalaki na halos mukha nya na lamang ang nakikita ko sa buo nyang katawan, nanlilisik ang kanyang mata at umuusok ang kanyang ilong na nakatingin sa'kin.
"Pinahanga mo ko sa iyong husay ilinahad, natalo mo ang mga bantay ko sa labas, nakatanggap ako ng mensahe galing sa aking kapatid na si Amodria, sabi nya ay wag ka daw masyadong pahirapan, ngunit hindi ko hawak ang isip ng bawat nilalang na nasa labas kaya't wala akong magagawa kung ano man ang kahihinatnan mo dyan, " wika nya sabay hagis sa akin pababa na para bang isang bagay na walang kwenta.
Dahil sa pagkabangga ng likod ko sa matigas na bahagi nitong kweba ay hindi agad ako nakatayo dahil sa sakit, base sa kanyang mga sinabi ay sya na nga yata si Gaeo, ang bathala ng lupa.
Ilang sandali lang ay bigla
