BELLE
Hindi ko maiwasang mapangiti na lang mag-isa kahit nandito ako sa loob ng banyo. Saglit ko pang nakalilimutan ang problema ko dahil sa totoo lang, komportableng-komportable ako tuwing kasama ni Nathan. Minsan naiisip ko ngang, sabihin na lang sa kaniya ngunit nang nasa harapan na naman niya ako ay bigla na lang akong nakalilimot o 'di kaya ay napapangibabawan ng takot dahil baka umayaw na siya't magbago.
Napatingin ako sa salamin at tinititigan ang sarili.
Ilang segundo ko iyong ginagawa hanggang sa ngumingiti ako. Nasa labas si Jonathan, naghihintay sa akin, at kahit wala kaming ginagawa ay pakiramdam ko, kompletong-kompleto na ang araw ko.
"Bigyan mo lang ako ng oras, Nathan... tutuparin ang panaginip mong iyon..."
I just need time to recover myself. I just want to make su
