Hindi na ako nagpupumiglas pa nang mahigpit na hinawakan ni Bernard ang braso ko. Kung gagawin ko iyon, mas lalo lang akong masasaktan, mas lalo lang akong mahihirapan. Kilala ko ang lalaking 'to at uubusin ko lang ang lakas ko sa pagpupumiglas kung sakali.
"May... iba kang pinapatuloy sa bahay mo..." malisyoso niyang sabi sa akin sabay hagod ng nakalolokong tingin sa aking katawan. Alam ko ang tinutukoy niya at gusto kong itama ang lahat ng iyon. Ayaw kong madamay si Jonathan sa hayupan ni Bernard kaya titiisin ko lahat ng pang-iinsulto niya.
Nasasaktan ako sa pagkakahawak niya ngunit matapang ko lang siyang tinitingnan. Sobra na ang pag-iinsulto at pagpapasakit niya sa akin, pero dahil sa may atraso pa ako raw ako sa kaniya, at takot akong madamay pa ang iba sa kalokohan ni Bernard
