“Huwag mo akong tingnan nang ganyan, Belle! Ang sama na talaga ng tingin mo sa akin, ano?”
Mas lalo ko siyang tinaasan ng kilay dahil ano pa dapat?
“Look, alam mo… may naisip lang akong magandang bagay para… matulungan kita.”
“Huwag kang gagawa ng mga bagay na hindi ko alam, Bernard! Lalong-lalo na kung patungkol ito sa mga Montefalco!”
Isang malakas at parang baliw na tawa lang ang ginawa ni Bernard at saka tumayo.
Ayaw ko sa halakhak niyang iyon kaya tumayo na rin ako para pigilan sana siya ngunit mabilis na siyang nakalakad.
Bumuntong-hininga na lamang ako dahil mukhang hindi ko na naman mapipigilan si Bernard sa kung ano man ang plano niya. Sana lang ay ‘di siya makigulo para naman ay mapadali ang lahat sa akin at matapos na ang problema ko sa kaniya.
Dahil sa sinabihan na a
