BERNARD
Nakangiti pa ako habang iniintindi ang sinasabi ni Belle sa akin. Tama ba ang narinig ko? Ayaw niyang maka-trabaho si Bernard? For what reason, then?
“W-what do you mean?”
Huminga siya nang malalim na tila ba malaking problema ang kaniyang kakaharapin kung sakaling makakasama niya ang lalaki sa trabaho. At ano naman ang problemang iyon kung sakali?
“Nathan, may… mga bagay kasing malaki na ang pinagbago sa pagitan sa amin ni Bernard… at hindi ako komportable.”
“Hindi ka komportable?”
Ang kaninang ngiti sa aking mga labi ay agad na nawala at ngayon ay seryoso ko na siyang tinitingnan. Hindi ko lang talaga maintindihan. Ang sa akin, malaking training ground ang project sa kaniya at kahit hindi na siya mag-aral, kung magiging maayos ang lahat at makitaan siya ni Marco ng ptensiya
