Chapter 69
Nang tamaan ng sikat ng araw ang mukha ko'y nagmulat ako ng mga mata.
Mabigat ang pakiramdam ko at parang pasan ko ang mundo.
Hindi ko alam kung paano ko haharapin si JC.
Sobra ko pala siyang nasaktan...
Nagtungo ako ng banyo at nagsepilyo ng ngipin saka naghilamos.
Napatigil lang ako ng makarinig ng mga katok sa pintuan.
Dali-dali akong nagbanlaw ng mukha at lumabas ng banyo.
Binuksan ko ang pintuan at nagulat pa ko ng makitang nandun si JC.
"Hi. Goodmorning." bati niya at humalik pa sa noo ko.
Napatda ako.
Bagong paligo na siya at maaliwalas na ang bukas ng mukha.
"Morning." matamlay na bati ko at umiwas ng tingin.
"May problema?" tanong niya at hinagilap ang baba ko.
Umiling ako at pumasok na ulit sa kwarto.
Sumunod naman siya at napapitlag ako ng yakapin niya
