“Nangnang! Habol mo ako! Dali!” masayang sigaw ni Kuatro kay Trina. Nagtatakbo ito nang mabilis sa malapad na bermuda grass sa harapan ng kanilang bahay.
“Sige! And'yan na ako!” anang kaniyang kaibigan na kunwaring nagmabagal pa para hindi mahuli si Kuatro.
Dinalaw silang mag-ina roon ni Trina pagkagaling nito sa isang seminar na pinuntahan. Wala na rin naman daw itong gagawin sa eskwelahan.
“Trina. . . anak. . . mamaya na ’yan. Magmeryenda muna kayo,” tawag niya sa mga ito at ibinaba sa garden table ang malamig na juice at bagong luto na banana cue.
“Huli!” Mabilis na binuhat ni Trina si Kuatro na malakas na tumatawa. Dinala ito ng kaniyang kaibigan sa kaniyang tabi.
“Naku, pawisan ka na,” aniya sa anak at agad na pinunasan ang pawis nito sa katawan. Nilagyan din niya ito ng bimpo s
