“Si Kuya JE!” tili ni Jessica nang bumalik sa kinauupuan ni Bettina. Bitbit na nito ang cell phone niya. “Sagutin mo na bilis!” At ito na mismo ang pumindot ng answer button bago ipinasa sa kaniya ang aparato.
“H-Hello. . .” nauumid ang dilang sambit niya.
Si Jessica na nasa kaniyang tabi ay hindi pa nakontento, idinikit pa talaga nito sa cell phone niya ang tainga.
“Hi! How are you?” tanong ng binata sa kabilang linya.
Naririnig pa niya mula sa background ang nagkakagulong mga fans at crew ng nasabing talk show.
“M-Mabuti naman,” aniya sabay kagat sa pang-ibabang labi. Hindi kasi tumitigil sa panginginig iyon.
“I know you’re not. You’ve watched it, don’t you?” anitong hindi niya maintindihan kung tinutudyo ba siya o ano. Nasa tinig kasi nito ang amusement.
Hindi s’ya kaagad nakas
