“So, it is you!” Gigil at malalaki ang mga hakbang na nilapitan ni Marlon si Aira. Mabilis nitong hinaklit sa braso ang babae.
Tila natuklaw ng ahas bagong dating, nang madatnan sila roon ni Marlon. Wala itong maapuhap na sabihin. Animo'y nalunok nito ang dila, lalo na sa nakikitang galit sa mga mata ng lalaking kaharap.
“How could you do this!? How could you hide him from us!? From his family? Alam mo ba kung gaano karaming luha na ang naibuhos ni Bettina makita lamang si JE, ha!? Did you know that!?” naglalabasan ang ugat sa leeg ni Marlon sa lakas ng pagkakasabi niyon.
At kitang-kita ni Rex ang takot na nakabalatay sa pagmumukha ni Aira. Mariin nitong kinagat ang ibabang labi sa pagpipigil na huwag mapasigaw.
Kaagad niyang hinawakan sa braso si Marlon. Bahagya naman nitong niluwaga
