SEAN
Muli akong humarap sa kinaroroonan ng bar at nagsimula na kaming maglakad ni Francine, naririnig ko ang bawat tapak niya sa lapag kaya’t alam kong sinusundan niya na uli ako. Hindi pa man kami nakakalapit masyado ay napansin na kami ng mga magulang ni Amy, parehas na silang nakatingin sa aming direksyon at wala pa silang reaksyon. Marahil ay hindi pa nila maaninag kung sino ang kasama ko kaya hindi sila kumikilos doon, at mukhang tama nga ako. Pagkalapit namin ni Francine ay bigla na lang napatayo si tita mula sa kanyang pagkakaupo sa lapag, pinagpag pa muna niya ang kanyang suot bago siya tuluyang lumakad papunta sa amin. Kitang-kita ko sa mga mata ni tita ang galit niya para sa babaeng nasa likuran ko, ni hindi nga man lang niya ako tinitignan kahit pa kanina ko pa sila pinagmamasd
