SEAN
Tumayo na ako mula sa bench at tinabihan ko na si Francine. Nakapagpasya na akong siya na lang talaga ang isasama ko sa bar para tumulong sa amin nina tita at tito sa pagbubukas ng pinto roon o sa paghahanap ng kahit anong daan para makapasok ang kahit na isa sa amin sa bar, para lang mailabas namin si Amy roon. “Tara na,” pag-aaya ko kay Francine, hindi ko man lang nasabi sa kanya kung saan kami pupunta kaya habang naglalakad kami at nasa likod ko siyang nakasunod sa akin ay nagsasalita ako. “Siya nga pala, hindi ko pa nababanggit sa ‘yo at hindi ko alam kung sinabi na ba sa ‘yo ni Amy kung saan siya nagtatrabaho pero, gusto ko lang i-share sa ‘yo dahil doon din naman ang pagtutunguhan natin,” panimula ko sa aking kwento, hindi naman umimik si Francine pero alam kong nakabukas lang
