SEAN
Walang pag-aalinlangang inalis ni tita ang pagkakapatong ng ulo ni Amy sa ibabaw ng kanyang hita papunta sa lapag nang siya’y tumayo para sugurin si Francine. Agad naman din rumesponde ang sarili kong mga paa na dinala agad ako sa gitna nilang dalawa para umawat bago pa man may mangyaring masama. “Ano ba ‘yan? Sinabi ko nang tigilan niyo na ‘yan eh,” pag-uulit ko sa sinabi ko kanina, ngunit kagaya kanina ay hindi nila ako binibigyang pansin. Hinarang ko lang ang magkabila kong braso sa gilid ko kung saan ay magkatapat naman sina Francine at ang ina ng aking kaibigan, hindi ko naman sila pwede harangan sa kanilang dibdib gamit ang kamay ko katulad ng kadalasan kong ginagawa sa mga kaibigan ko dahil nga babae sila. “Makinig kayo sa akin kung gusto niyong iligtas si Amy rito,” mariin ko
