SEAN
Ilang hakbang na lang ang kulang ko, malapit ko na marating ang pinakadulo ng harapan ng bar, naabutan ko na nga rin si tita kanina at ngayon naman ay papunta na ako kay Francine kasi pakaliwa na ang paghahanap ko. Pare-parehas na kaming malapit na matapos ngunit pare-parehas din kaming bigo sa aming ginagawa. Pero hindi pa rin ito ang oras para sumuko. Hangga't mayroon pang natitirang pader ay hindi kami magdedeklara ng aming pagsuko. Halos isang buong minuto lang ang inabot ko sa paghahanap sa pwesto ko, kasalukuyan na akong nasa tabi ni Francine. "Ano? May nahanap ka na ba?" tanong ko sa kanya at napansin ko naman ang malungkot niyang mga mata na tila ba'y pinipigilan niya ang kanyang sarili na sabihin sa akin na wala pa siyang nahahanap. "Okay lang 'yan, makakahanap din tayo ng p
