Jiro’s POV
Mayroon kaming hindi pagkakaunawaan ni Keeva kaya noong niyaya ako na uminom ay hindi na ako nagdalawang-isip na sumama sa mga kaibigan na nakilala ko lang din sa mga ganitong klase ng lugar. Sa labas kami umupo kaya ramdam na ramdam ko ang malamig na simoy ng hangin kahit na buong katawan ko ay naiinitan dahil na rin sa epekto ng alak.
Nagalit sa akin si Keeva noong nakita niyang may droga ako sa bulsa, palagi niyang sinasabi sa akin na itigil ko na iyon dahil hindi siya magdadalawang-isip na sabihin kina Kuya Euan at Ate Michiko ang mga kalokohan ko kapag sumamang muli ako sa mga kaibigan na sinasabi niyang maling impluwensiya sa akin.
Naririndi ako sa mga sermon niya dahil ganoon din ang sermon ni Ate Michiko sa akin kapag gabi akong umuuwi. Parehas lang sila na walang k
