Jiro’s POV
Maghapon akong hindi pinapansin ni Aleina kahit na kinakausap ko siya. Napansin nga iyon nina Malia at Aeron kaya hindi ko na lang din kinulit dahil alam ko naman ang dahilan ng pag-init ng ulo niya sa akin. Ayaw niya sa tanong ko at paraan ng pagtatanong kaya umiiwas siya sa akin ngayon. Sinubukan ko siyang kausapin at ayaw naman niyang magsalita, ang ibig sabihin lang noon ay huwag akong mangulit ngayon.
Sinabi rin sa akin ni Malia na mas mabuti kung hindi ko kukulitin si Aleina lalo na kung nahalata ko raw na ayaw ako nitong kausapin kaya iginalang ko na lang iyon at hindi na nangulit pa. Hindi rin sila sumabay sa amin sa pagkain kaya kaming dalawa lang ni Aeron ang magkasama ngayon. Nakasalubong namin si Malia kaya tinanong ko kung puwede ko siyang makausap.
“Bakit, Jiro?
