Jiro’s POV
Hindi ko inaasahan na magiging madali lang pala na mas mapalapit kami ni Aleina sa isa’t isa. Hindi ko na inisip kung ano ang nararamdaman ko sa kanya dahil hindi na ako ang Jiro na kagaya ng dati na kapag may gusto sa isang babae ay aamin kaagad. Mas maingat na ako dahil ayaw ko na ulit na mayroon pang masaktan. Masaya na ako na mayroon ulit akong mga kaibigan. Naging malapit kami nina Aleina, Aeron, at maging ang kaibigan ni Aleina na si Malia ay naging kaibigan na namin. Nang malaman kong walang pasok sa trabaho ngayon si Aleina ay kaagad ko silang inaya na lumabas, mabuti na lang din at pumayag silang lahat at binigyan pa ako ni Ate Michiko ng allowance para sa paglabas namin na ito. Hindi ito palaging nangyayari at kaya lang niya ako pinayagan at binigyan ng allowance ay d
