Jiro’s POV
“Ano ang masamang espiritu ang sumapi sa iyo?” Napalingon ako noong narinig ko ang boses ni Ate Michiko. Nakita niyang nakapagluto na ako ng umagahan namin at kasalukuyan akong naghahain ng pagkain naming dalawa. Sakto nga ang paggising niya dahil tapos na akong magluto at maghain ng pagkain para sa aming dalawa. Nang-aasar siya ngayon sa akin dahil madalas ay tamad akong bumangon kapag sobrang aga.
Nilapitan ko siya para alalayan na umupo sa hapag-kainan dahil kakain na kaming dalawa. “Bakit? Masama na bang ipagluto ang pinakasexy at pinakamagandang Ate sa buong mundo?”
Nagtatali siya ng buhok noong sinabi ko iyon pero hindi na niya naituloy dahil ibinato niya sa akin ang pantali ng buhok niya. “Hoy! Ano na namang pambobola iyan, Jiro Miles Barcelona? Wala kong maibibigay sa
